Eth candidat tà Síndic per Unitat d'Aran (UA), Paco Boya, a reiterat en sòn blòg eth compromís d'aplicar un còdi etic en Conselh Generau. Segontes eth deputat aranés, eth còdi etic esvitarie que "responsables politics administren era immobiliària e eth planejament public, atau coma era clinica privada e era direccion dera sanitat publica".Eth conselhèr de Torisme e Politica Territoriau, Víctor León, que non repetís ne d'alcaldable ne tath Conselh, ei copropietari dera principau immobiliària dera zòna, Gestiaran; e eth conselhèr de Sanitat, Arturo Sánchez, ei mètge d'ua consulta privada en Vielha. Sánchez torne a entestar era lista de CDA per Arties e Garòs, e León a delegat eth lideratge dera candidatura municipau de CDA en gerent dera sua immobiliària, César Ruiz-Canela. Tot demore en casa.
Cap comentari:
Publica un comentari a l'entrada