Era conselhèra de Cultura non assistís as Prèmis 'Mossen Condò'

Era conselhèra de Cultura, Mercedes Delaurens, non assistic dissabte passat ara entrèga des prèmis literaris Mossen Condò, dempús que Convergéncia Democratica Aranesa (CDA) age prescindit dera politica entà formar es candidatures deth terçon de Quate Lòcs e der Ajuntament de Bossòst. Es prèmis Mossen Condò constituissen uns des pògui eveniments culturaus relevants qu'organize eth Conselh Generau.

Era conselhèra e còsso der Ajuntament de Bossòst per CDA, a on tanben ei titulara de cultura, a estat hemna de confidança deth Síndic Carlos Barrera e eth sòn nòm a sonat damb fòrça coma alcaldabla de Bossòst, en substitucion de Felipe Delseny. Totun, Delaurens, qu'enes anteriores eleccions auie entestat era candidatura tath Conselh en Quate Lòcs, ne tansevolhe forme part dera lista municipau e tanpòc forme part dera candidatura deth terçon.