Convergéncia (CDA) non supòrte que s'age informat sus era abséncia dera conselhèra de Cultura, qu'a deishat d'èster candidata, en acte de liurament des prèmis Mossen Condò, e a cridat era atencion d'ues autes abséncies, totuament dispariones: era der alcaldable de Naut Aran per UA, Jordi Caseny, e deth candidat tà Síndic per UA, Paco Boya, ena missa de celebracion dera Hèsta de Santa Creu de Salardú. Çò que cride mès era atencion ei que CDA s'encuede precisament de s'es candidats d'UA hèn acte de preséncia en eveniments a on pòden hèr campanha. Ath delà de qu'era critica ei ua mòstra de que a quauqu'un l'a traït eth subconscient, er avertiment se le pòt tornar en contra facilament, perqué mentre es candidats de CDA hè mesi qu'an abandonat es sues responsabilitats institucionaus tà dedicar-se a hèr campanha, er alcaldable de Naut Aran realizaue es sues labors professionaus coma director d’Institut e eth deputat Paco Boya complie damb es sues responsabilitats institucionaus en Plen des Pressupòsti deth Parlament de Catalonha...
A qui cau tirar des aurelhes?
Cap comentari:
Publica un comentari a l'entrada