Eth projècte dera poma ecologica que presentèc era setmana passada eth Síndic d'Aran, Carlos Barrera, ei un plagi mau hèt d'ua propòsta d'arbes fruitèrs deth tecnic en agricultura ecologica Henning Gerdt, atau coma a denonciat eth madeish autor. Gerdt, vesin d'Aran, a explicat, en ua carta dirigida ara premsa, qu'eth projècte presentat s'a hèt, ath delà, "damb prèsses, sense conéisher lèu eth tèma n'eth territòri aranés".'Projècte bombolha'
"Demori qu'eth Conselh non age malgastat sòs publics entà un projècte bombolha que dificilament trobarà finançament", escriu damb contundéncia er afectat, que critique tanben eth "desinterès" der Executiu de Barrera de cap tara "agricultura e eth desaprofitament deth beneficiós potenciau paisatgistic, toristic e economic qu'eth sòn reviscolament poderie comportar".
Henning Gerdt ei tanben expèrt en capacitacion agrària e en iuèrn de 2004/2005 impartic un cors d'orticultura ecologica en Vielha.
Cap comentari:
Publica un comentari a l'entrada