En ua carta dirigida as empresaris d'Aran, er expresident deth Grèmi d'Ostalaria e dusau candidat d'Unitat d'Aran per Castièro, Juan Antonio Serrano, convide ath sector a "implicar-se en cambi" e consolidar naues prepauses entath torisme aranés.Tanben era naua candidata d'UA per Marcatosa, Noelia Costa, farmaceutica (an 1973), se dirigís ath sòn terçon damb era volentat de "daurir ua pòrta ath cambi". "Atau poiram hèr reau era nòsta volentat de trabalhar peth país, coma ei era mia trabalhar peth terçon de Marcatosa, en que viui e coneishi es mancances qu’encara auem", atau coma assegure.
Un aute candidat d'UA, Paco Bruna (Pujòlo), a escrit as pagesi deth país "entà esvitar era desaparicion d'aguest sector". Ei era tresau des cartes qu'apareishen aué ena wèb deth partit aranesista.
Cap comentari:
Publica un comentari a l'entrada